दुर्घटनाय् स्वम्ह सित
येँ (सन्ध्या टाइम्स)/अछामया साँफेबरं महेन्द्रनगरपाखे वनाच्वंगु म. १ ख ४९१ नम्बरया यात्रुबाहक बस डोटीया छतिवन १ धारापानी लिकसं दुर्घटना जुयाः स्वम्ह मनू सीगु दुसा २० म्ह घाःपाः जूगु दु। मदुपिनिगु सनाखत जूगु मदुनि।
वंगु चान्हय् भीरं कुतुंवनाः उगु दुर्घटना जूगु व घटनास्थलय् हे स्वम्ह यात्रु सीगु खँ डोटीया प्रहरीं धाःगु दु। घाःपाः जूपिंत डोटी व अत्तरीया पद्या अस्पतालय् वासः यायेगु ज्या जुयाच्वंगु दु। बस भीरय् थानाच्वंगु दनि। घाःपाः जूपिंत उद्धार यायेत अन प्रहरीत थौं सुथय् हे वंगु खः ।
