पिकनिक वंम्ह मनू लाल काकां मंत

येँ (सन्ध्या टाइम्स)/विक्रम संवत्या न्हूदँया लसताय् गोदावरीइ पिकनिक वनेगु झ्वलय् खुसिइ म्हितः वंम्ह छम्ह मनू सीगु दु। खुसिइ लाल काकां हे सने मफयाः बैकुण्ठलाल श्रेष्ठ सीगु खः। अशक्त जुइवं वय्कःयात पासापिंसं अस्पताल यंकूगु खःसां म्वाके मफुगु खः। म्हिगः सनिलय् येँया क्वहितिइ च्वंम्ह ३१ दँया श्रेष्ठ उकथं मदुगु खः। थौं हे पशुपतिइ वय्कःया अन्तिम संस्कार याइगु खँ छेँजःपिंसं धाःगु दु। त्वाःयापिं पासापिं जानाः पिकनिक वंगु इलय् उगु घटना जूगु खः ।