सत्यहिरा सिरपाः लःल्हात

यल (सन्ध्या टाइम्स)/सत्यहिरा सिरपाः समितिपाखें थौं नेपालभाषा केन्द्रीय विभागय् छगू ज्याझ्वः यासें प्रकाशचन्द्र प्रधान व कमलेश महर्जनयात सिरपाः लःल्हात। नेवाः जाति, भाषा, साहित्य, संस्कृति, लिपि च्वन्ह्याकेत नीस्वंगु उगु सिरपाः लुम्बिनी विश्व विद्यालयया उपकुलपति डा. त्रिरत्न मानन्धरं लःल्हानादीगु खः। प्रकाश चन्द्र प्रधानं पोखराया भैलःद्यः प्याखं व कमलेश महर्जनं किपूया चैत्य, विवरणात्मक अध्ययन यानादीत्यंगु दु। सिरपाः त्याकादीपिंत दाता उज्येली डंगोलं झिद्वः झिद्वः तका दां लःल्हानादीगु खः ।