उपसमितिया म्याद स्वक्वःगु खुसिइ तनीगु

संवैधानिक समिति अन्तर्गतया उपसमितिया म्याद स्वक्वःगु खुसिइ तनीगु जूगु दु । सभामुख सभाषचन्द नेम्वाङ, संवैधानिक समितिया सभापति निलाम्बर आचार्य व स्वंगु प्रमुख दलया शीर्ष नेतात दथुइ जूगु मुँज्यां उपसमितिया म्याद थप यायेगु निर्णय याःगु खः ।

निक्वःगु खुसिइ झिंन्यान्हुया निंतिं थप याःगु उपसमितिया म्याद छगू हे मुँज्या मच्वंसे क्वचायेवं विवाद समाधान यायेत हानं म्याद थप यायेगु निर्णय याःगु खः । उपसमितिं निसः स्वयां अप्वः विवादित विषयलय् सहलह यानाः सहमति यायेधुंकूगु दु । आः मुक्कं स्वीगू विवादित विषयलय् जक सहमति जुइ ल्यँ दनी ।

थौं च्वंगु मुँज्यां उपसमितिया म्याद थप यायेगु निर्णय याःसां गुलि ईया निंतिं म्याद थप यायेगु बारे धाःसा क्वःमछिउनि ।