उद्योग वाणिज्य महासंघया वरिष्ठ उपाध्यक्षय् राजकर्णिकार

नेपाल उद्योग वाणिज्य महासंघया वरिष्ठ उपाध्यक्षय् भाष्करराज राजकर्णिकार निर्वाचित जुयादीगु दु ।

महांसंघया न्हूपिं निर्वाचित पदाधिकारीतय्सं वरिष्ठ उपाध्यक्ष ल्यइगु प्रावधान कथं जूगु निर्वाचनय् ३७ मत हयाः राजकर्णिकार निर्वाचित जुयादीगु खः । वय्कःया प्रतिद्वन्द्वी कुमुद दुगडं २४ मत जक हःगु खः ।

राजकर्णिकार महासंघया न्हूम्ह अध्यक्ष सुरज वैद्य प्यानलयाम्ह खःसा दुगड आजाड श्रेष्ठ प्यानलयाम्ह खः । महासंघया निर्वाचनय् वैद्यं ३०७ मत हयाः अध्यक्षय् पदय् निर्वाचित जूगु खःसा श्रेष्ठं २५३ मत जक हःगु खः ।