च्वसापासां लिनहार्ड लुमंकल
येँ (सन्ध्या टाइम्स)/नेवाः भाय्यात विश्वय् प्रचार प्रसार यायेगु ज्याय् तःधंगु योगदान दुम्ह स्वीस विद्वान भाजु सिग्फ्रेड लिनहार्डया लुमंतिइ म्हिगः च्वसापासापाखें छगू बिचाः मुँज्या यात ।
च्वसापासाया नायः पद्मरत्न तुलाधरया सभापतित्वय् जूगु उगु ज्याझ्वलय् डा. कमल प्रकाश मल्लं छ्वयादीगु शोकपौ ब्वनाः न्यंकादीगु खः ।
ज्याझ्वलय् भाजु लिनहार्डं नेपालभाषा ख्यलय् यानादीगु योगदानयात कयाः नेपालभाषा एकेदमिया चान्सलर सत्यमोहन जोशी, डा. तेजरत्न कंसाकार, भाषाविद् काशिनाथ तमोट, भाषिक न्ह्यलुवा मल्ल के. सुन्दरपिंसं न्ववानादीगु खः। मुँज्यां भाजु लिनहार्ड मदुगु दुःखय् पारित याःगु शोक प्रस्ताव वय्कःया जहानयात छ्वयेगु निर्णय नं यात ।
