माओवादीया ततःधंगु प्रदर्शन
येँ सन्ध्या टाइम्स÷माओ-वादीं थ्वहे वइगु बैशाख ३ गते देय्या प्यंगू मू मू शहरय् ततःधंगु प्रदर्शन यायेगु तयारी यानाच्वंगु खँ सीदुगु दु । थुकिया बारे थौं च्वनीगु माओवादीया पोलिट-ब्यूरो बैठकय् सहलह जुइगु खँ धाःगु दु ।
अथे हे माओवादीया थौं च्वनीगु पोलिटब्यूरो बैठकय् वयां लिपा न्ह्याकेगु आन्दोलनया बारे नं सहलह जुइगु खँ धाःगु दु । अथे हे माओवादी नेतृत्वय् सरकार दयेकेगु बारे नं सहलह जुइगु खँ दु ।
लिसें माओवादीं याना- च्वंगु सदन अवरुद्ध व एमाले लगायत मेगु दलतय्सं सदन अवरुद्ध जुयाच्वंसां नं मेगु हे लँपुं सरकार गठन यायेगु धकाः यानाच्वंगु कुतःयात कयाः नं सहलह याइगु खँ धाःगु दु । यदि राजनीतिक पार्टीतय्सं मेगु हे लँपुं वयाः सरकार गठन यात धाःसा अज्याःगु सरकारयात थःिपंसं माने मयायेगु ख्याच्वः माओवादीं बीधुंकूगु दु ।
थौंया बैठकय् माओवादी अध्यक्ष प्रचण्डं १३ बुँदे राजनीतिक प्रस्ताव न्ह्यब्वयादी । लिसें बैठकं आः माओवादीं न्ह्याकीगु संघर्षया ज्याझ्वः नं क्वःछीगु खँ दु ।
