दि शाक्य फाउन्डेशनया दँमुँज्या व न्हूधाः
येँ (सन्ध्या टाइम्स)/दि शाक्य फाउन्डेशन नेपाल २०५७ या दँमुँज्या क्वचाल। ज्याझ्वःया न्हापांगु ब्व फाउन्डेशनया नायः देवकाजी शाक्यया सभापतित्वय् जूगु खः। पञ्चशील प्रार्थना व बोधिमत च्याकाः ज्याझ्वः उलेज्या याःगु खः ।
महासचिव जनक नेवाः शाक्यं प्रतिवेदन न्ह्यब्वयादीगु उगु ज्याझ्वलय् दांभरि राजकाजि शाक्यं ल्याःचाः न्यंकादीगु खः। ज्याझ्वलय् २०६६ सालया एसएलसी परीक्षाय् अप्वः ल्याः हयेत ताःलाःपिं शाक्यकुलया ब्वँमिपिं ईभा शाक्य, आशिष शाक्य व थुगुसीया मिस नेवाः मय्जु सुजिना शाक्यपिंत हनेज्या नं जूगु खः। ज्याझ्वलय् माधुरी शाक्यं लसकुस यानादीगु खःसा सचिव अमीरमान शाक्यं सुभाय् देछायादीगु खः ।
ज्याझ्वःया निगूगु ब्वय् न्हूगु कार्यसमितिया निर्वाचन जूगु खः। उकी जनक नेवाः शाक्य-अध्यक्ष, चन्द्रबहादुर शाक्य-उपाध्यक्ष, अमीरमान शाक्य-महासचिव, राजकाजी शाक्य-कोषाध्यक्ष, माधुरी शाक्य-सचिव, सुमित्रा शाक्य-सह कोषाध्यक्ष, रेनु बुद्धाचार्य, गंगा शाक्य, यज्ञमान शाक्य, तेजराज शाक्य, ज्ञानबहादुर शाक्य, निरञ्जन शाक्य, अनिता शाक्यपिं दुजःकथं निर्वाचित जुयादीगु खः ।
