आकाश भैरव भजन पाल्पाय्
येँ (सन्ध्या टाइम्स)/काल भैरब भजन मण्डल पाल्पा, तानसेनया ब्वनाय् वंगु मंगलवाः श्री आकाश भैरब भजन खलः पाल्पापाखे वंगु दु। भजन खलकं जानकारी बिउकथं पाल्पाया तानसेनय् वंगु सोमवाःनिसें छवाःया (पुलां मोहनीया लसताय्) कालभैरब जात्रा न्ह्याकूगु दु। थ्वहे जात्राया लसताय् अनया टक्सार व तिंख्यलय् निन्हुतक आकाश भैरब भजन खलकं भजन न्ह्यब्वइगु जूगु दु ।
खलःया मूनायः रामभक्त श्रेष्ठया अध्यक्षताय् खलःया नायः शिव श्रेष्ठ नापं रामकृष्णमान सिंह, सुशील शर्मा, लक्ष्मण श्रेष्ठ, स्वराजभक्त श्रेष्ठ व मय्जुपिं रेखा श्रेष्ठ, कृष्णदेवी सिंह, योग राजवंशी, धनमाया सिं, नन्दा प्रधान, रमा अमात्य व निवेदिकानापं मुक्कं झिंस्वम्ह भजनकःमि पाल्पा वंगु खः। भजन खलःया धापूकथं स्वनिगः त्वःताः न्हापांखुसी थुज्वःकथं थुगु भजन खलः तापलय् वंगु खः ।
