भुटानी प्रधानमन्त्री येँय्

भुटानी प्रधानमन्त्री जिग्मे वाई थिन्ले नेपाःया स्वन्हुन्यंकया भ्रमणया निंतिं थौं येँय् थ्यंकादीगु दु ।

बिहीवाः सुथय् १० बजे येँय् थ्यंकादीम्ह थिन्लेयात त्रिभुवन अन्तर्राष्ट्रिय विमानस्थलय् शिक्षा मन्त्री गंगालाल तुलाधरं लसकुस यानादीगु खः । स्वन्हुन्यंकया नेपाः भ्रमणया झ्वलय् भुटानी प्रधानमन्त्री थिन्लें राष्ट्रपति डा. रामवरण यादव, थः समकक्षी झलनाथ खनाल, सभामुख सभाषचन्द्र नेम्वाङ नापं प्रमुख दलया नेतातय्त नापलानादीगु ज्याझ्वः दु ।

सार्कया अध्यक्ष नापं जुयादीम्ह थिन्लें माल्दिभ्सय् जुइगु सार्क शिखर सम्मेलनया मध्यावधि मुल्यांकनया निंतिं येँय् थ्यंकादीगु खः ।