पोखराय् नं 'मिस नेवाः' ज्याझ्वः

नेवाः संस्कृति व परम्परा म्वाका तयेगु आज्जुं पोखराय् नं नकतिनि हे 'मिस नेवाः' ज्याझ्वः जुल। उगु ज्याझ्वलय् मय्जु निकिता श्रेष्ठं 'मिस नेवाः' उपाधि त्याकादीगु खः। मुक्कं झिंप्यम्ह मय्जुपिनि दथुइ जूगु उगु कासाय् प्रशंसा श्रेष्ठ फर्स्ट रनरअप व निशा प्रजापति सेकेन्ड रनरअप जूगु खः। 'मिस नेवाः' जुइत ताःलाःम्ह मय्जु निकितां मनूया रुप स्वयां नं गुण बांलायेमाः धइगु बिचाः तसें सिरपाः त्याकेत ताःलाःगु खः ।

पेशां स्टाफ नर्स जुयादीम्ह मय्जु निकितां ज्याझ्वलय् मोस्ट ट्यालेन्टया सिरपाः नं त्याकूगु खः। ज्याझ्वलय् अन्जली महर्जन मिस पर्फमेन्स, मोनिका श्रेष्ठ बेस्ट ड्रेस, स्मृति पालिखे बेस्ट डान्स, आयुषा श्रेष्ठ मिस डिसिप्लेन, प्रशंसा श्रेष्ठ बेस्ट ल्याङ्वेज, पन्च श्रेष्ठ मिस क्याटवाक, सरिता श्रेष्ठं बेस्ट हेयर स्टाइलया सिरपाः त्याकूगु खः। अथे हे निशा श्रेष्ठ बेस्ट पर्सनालिटी, आशा श्रेष्ठ बेस्ट फ्रेन्डली, अमृता शाही मिस फोटोजेनिक, मनिषा गुभाजु मिस कन्पिफडेन्ट, विद्या शाही मिस एक्टिभ, विनिषा ताम्राकार मिस क्यूट व अरुणा शाहीं मिस फिगरया उपाधि त्याकूगु खः। संस्कृतिकर्मी तीर्थ श्रेष्ठं विजेता मय्जुपिंत सिरपा लःल्हानादीगु खः ।