कोइराला व देउवाया अलग अलग भेला

येँ (सन्ध्या टाइम्स)/नेपाली कांग्रेस दुने सभापति सुशील कोइराला व पुलांम्ह प्रधानमन्त्री शेर बहादुर दथुइ ब्वलंगु कचवंया झ्वलय् म्हिगः निम्हं नेतातय्सं थःथःगु छेँय् अलग अलग बैठक च्वनाः गुट बल्लाकेगु ज्या याःगु दु। सभापति सुशील कोइरालां थः मनूत जक केन्द्रीय कमिटीइ मनोनित याःगुलिं असन्तुष्ट जूपिं देउवा पक्षया नेतातय्सं म्हिगः भुइजःसिस्थित वय्कःया छेँय् भेला याःगु खःसा वहे इलय् देउवा पक्षयात पेले हे यानाः वनेमाः धइगु बारे सहलह यायेत सुशील कोइरालाया छेँ महाराजगंजय् मेगु भेला जूगु खः ।