फ्रेन्च एम्बेसीपाखें नेपाःया स्वंगू एल्बम पिथना
येँ (सन्ध्या टाइम्स)/नेपाःस्थित फ्रेन्च एम्बेसीया ग्वसालय् रक सितार, सितार-सुधा व चान्ट हिमालयया स्वंगू एल्बम पिहां वल। एल्बमया पितब्वज्याय् सितार-सुधा ब्यान्डया विजय वैद्यं सितार, प्रताप के.सीं. बाँसुरी, सुरेन लामां गितार, दिपक शाक्यं बेस व निखिल तुलाधरं ड्रम थानाः मनोरञ्जन बिउगु खः। स्वंगुलिं एल्बमया संगीत संयोजन विजय वैद्यं यानादीगु खः ।
पिहां वःगु स्वंगुलिं एल्बमय् सितारया स्वंगू हे फ्युजन दुथ्याका तयागु जानकारी वय्कलं बियादीगु खः। मुगाज इन्टरटेनमेन्टं याःगु उगु ज्याझ्वलय् रक स्टारया जनकपुर, दुःख व आन्दोलन, सितार सुधाया इन्टरनल बोण्ड व मधुर नेचर, चान्ट हिमालयया बोलबम धुन नं न्ह्यब्वयेगु ज्या जूगु खः। सितार-सुधाया विजय वैद्यं नेपाली बाजं थानाः अन्तर्राष्ट्रिय ख्यलय् थःगु म्हसीका बियादीधुंकूगु दु ।
