सुरज वैद्य महासंघया न्हूम्ह अध्यक्ष

नेपाल उद्योग वाणिज्य महासंघया अध्यक्षय् सुरज वैद्य निर्वाचित जुयादीगु दु । महासंघया ४५क्वः सधारणसभाया चुनावी लिच्वः कथं वैद्यं ३०७ मत हयाः अध्यक्ष पदय् निर्वाचित जुयादीगु खः । वय्कःया प्रतिद्वन्द्वी आजाद श्रेष्ठं २५३ मत हःगु खः ।

अथेहे उपाध्यक्षय् वस्तुगतपाखे श्रेष्ठ प्यानलया प्रदीपजं पाण्डे, एसोसिएटपाखे पशुपति मुरारका व जिल्ला नगर पाखे भवानी राणा त्याःगु दु । मुरारका व राणा वैद्य प्यानलयापिं खः । केन्द्रीय दुजःलय् त्याःपिं अधिकांश दुजःलय् नं वैद्य पक्षयापिं निर्वाचित जूगु दु ।

बुधवाः सुथय् तक जूगु मतगणना लिपा फुक्कं पदय् निर्वाचित जूपिं पदाधिकारीतय् लिच्वः पिहांवःगु दु । महांसघया निर्वाचनय् निगू पक्षं थःथःगु प्यानल सहित ब्वति काःगु थ्वहे न्हापांगु खुसिइ खः ।