लँय् सना जुइपिंत सचेत

येँ (सन्ध्या टाइम्स)/लँय् जुइबलय् यःयःथे सना जुइपिं मिसामिजंतय्त नं आः प्रहरीं कारवाही याइगु जूगु दु। म्हीग सनिलय् असनय् घय्घय्पुयाः सना वःपिं छम्ह मिसा व छम्ह मिजंयात प्रहरीं ज्वनाः न्यनेकने यात। असंया हुलय् घय्घय्पुयाः सना वःपिं उगु जोडीयात ज्वनेवं मिजंम्हेस्यां छुं न्ववाये मफुसां मिसाम्हेस्यां थःपिं पासापिं खः धासें अथे सना वयागुलिं क्षमा याचना यात। प्रहरीं उमित आवंलि लँय् जुइबलय् मर्यादित ढंगं जुइत सचेत यासें त्वःता छ्वःगु खः। थौंकन्हय् ल्याय्म्हत माक्व स्वयां अप्वः छाडा जुया वःगुलिं उमित सचेत यायेमाःगु खँ प्रहरीं धाःगु दु ।