बन्द ताःलाकेत कन्हय् नेवाः भेला
येँ (सन्ध्या टाइम्स)/नेवाः व ताम्सालिङं बैशाख १४ गते घोषणा यानातःगु बन्द ज्याझ्वः ताःलाकेत नेवाःतय्पाखें पित बीगु संघर्षया ज्याझ्वः बारे सहलह ब्याकेत कन्हय् बुधवाः नेवाः स्वायत्त राज्य मंकाः संघर्ष समितिइ दुथ्याःगु झिगुलिं घटकया विस्तारित मुँज्या च्वनीगु जूगु दु ।
यलया अक्षश्वर महाविहारय् जुइगु उगु भेलाय् मंकाः संघर्ष समितिइ दुथ्याःगु झिगू घटक, थीथी जातीय खलः पुचः, संघ संस्था लिसें मंकाः संघर्ष समितिनाप स्वापू दुगु लागा व थीथी कवःया प्रतिनिधितय्सं ब्वति काइ धाःगु दु। नेवाः स्वायत्त राज्य मंकाः संघर्ष समितिया नायः राजभाई जकःमिं कन्हय् नेवाः भेला यानाः बैशाख २ गते ताम्सालिङ संयुक्त संघर्ष समितिलिसे मंकाः बैठक च्वनेगु खँ कनादीगु दु। ज्याझ्वः ताःलाकेत ताम्सालिङ संयुक्त संघर्ष समितिया घटकतय् दथुइ नं सहलह जुयाच्वंगु दु ।
