'थायभु' पितब्वज्या
येँ (सन्ध्या टाइम्स)/तारा देवी तुलाधरं च्वयादीगु 'थायभु: भोय् ज्वलंया विवरण' नांगु सफू शनिवाः छगू ज्याझ्वःया दथुइ पितब्वज्या जुल। त्रिभुवन विश्वविद्यालय नेपालभाषा केन्द्रिय विभागया नकिं प्रेमशान्ति तुलाधरं सफूया उलेज्या यानादीगु खः ।
'थायभु' सफुली उदाय् समाजया संस्कृति कथं थीथी धार्मिक व सामाजिक ज्याखँय् छ्यला वयाच्वंगु नसा ज्वलंया ब्वघासा तयेगु विधि व बुसांनिसें सीधुंकाः तक याना वयाच्वंगु ज्याझ्वलय् छ्यला वयाच्वंगु थीथी ब्व, घासातात, लप्तेया नमूना व घासातात दयेकेगु तरिका किपालिसें वर्णन यानातःगु दु। सफुली थ्व सम्बन्धी घासाता लिसें थीथी ज्वलंया नं किपा नापं म्हसीका बियातःगु दु ।
न्हापा वरिष्ठ नर्स जुयादीम्ह च्वमि तारादेवी नेपालय् दकलय् न्हापां हिदान यानादीम्ह मिसाम्ह हिदाता नं खः ।
