पौडेलया राजीनामा स्वीकृत

नेपाली कांग्रेसया सभापति सुशील कोइरालां नेपाल विद्यार्थी संघया अध्यक्ष प्रदीप पौडेलं बियादीगु राजीनामा स्वीकृत यानादीगु दु ।

कोइरालां पौडेलया राजीनामा स्वीकृत यासें वय्कलं नेविसंघया अध्यक्ष पदय् च्वनाः नेपाःया लोकतान्त्रिक आन्दोलनय् म्हितुगु भूमिकाया कदर यानादीगु दु । सभापति कोइरालां नेविसंघया पदय् दुगु इलय् पौडेलं निर्वाह याःगु भूमिकायात थःगु व्यक्तिगत व पार्टीया पाखें सुभाय् नं देछानादीगु दु ।

कांग्रेसं थौं छगू विज्ञप्ति पिथना शान्ति प्रक्रियायात लिप्पांगु अवस्थाय् थ्यंकेगु व संघीय लोकतान्त्रिक गणतन्त्र नेपाःया संविधान निर्माण यायेगु महत्वपूर्ण घर्डी नेविसंघयात अझ अप्व चुस्त, गतिशील व सुदृढ दयेकेत ग्वहालि जुइमाः धकाः थौंया मितिं लागु जुइकथं पौडेलया राजीनामा स्वीकृत यानागु खँ न्ह्यथनातःगु दु ।