निम्ह न्यायाधीश पदमुक्त, प्यम्हेसित सचेत

न्याय परिषदं पुनरावेदन अदालतया निम्ह न्यायाधीशयात नैतिक आचरण पाय्छि मजूगु व कार्य क्षमता अभाव खनेदुगु धासें पदमुक्त याःगु दु ।

परिषदया सोमवाः च्वंगु मुँज्यां पोखराया न्यायाधीश ओमप्रकाश सुवेदी व हेटौंडाया न्यायाधीश तेजबहादुर कार्कीयात पदमुक्त याःगु खः । अथेहे आवंलिं गल्ती मयायेत धासें सर्लाहीया न्यायाधीश विनोद प्रसाद शर्मा, अर्घाखाँचीया न्यायाधीश अच्युत विष्ट, पर्साया न्यायाधीश पशुपति आचार्य व जाजरकोटया न्यायाधीश सीताप्रसाद पोखरेलयात सचेत याःगु दु ।

प्यम्ह न्यायाधीशतय्सं अज्याःगु हे गल्ती हांन याःसा कारवाही यायेफइगु कथं इमित सचेत पौ बिउगु दु ।