थौं चोबाहाःद्यः व जनबाहाःद्यःया जात्रा

येँ (सन्ध्या टाइम्स)/किपू नगर दुने लाःगु चोबहालय् थौं चोबाहाः द्यःया जात्रा याइगु जूगु दु। थौं सनिलय् चोबाहाःया क्वय् च्वंगु निगू खुसिया संगम जुयाच्वंगु नेखु लागांनिसें जात्रा यानाः चोबहालय् यंकी। अले चोबाहाः द्यःयात मिजं व मिसातय्त याइगु फुक्क कथंया कर्मकाण्ड इहि, बार्‍हाः, कय्तापुजा आदि याइगु चलन दु। अथे हे येँया जनबहाः द्यःया रथ जात्रा थनिंनिसें न्ह्याइगु जूगु दु। थौं सनिलय् जमलंनिसें असनय् तक जनबहाः द्यःया रथ सालाः जात्रा याइ। अथे हे कन्हय् असनंनिसें हनुमानध्वाखा तक रथ साली। कंस लगमय् साला यंकी ।