विमानस्थलया नीन्ह्यम्ह प्रहरी बिरामी

त्रिभुवन विमानस्थलया सुरक्षाय् च्वनाच्वंपिं नीन्ह्यम्ह प्रहरीत अज्ञात रोगया कारणं बिरामी जूगु दु ।

सोमवाः बहनी च्याताः इलं निसें प्रहरीतय्त छ्यँ स्याइगु, बान्ता जुइगु शुरु जूगु खः । थंज्याःगु लक्षण खनेवं बहनी हे बिरामीतय्त अस्पतालय् यंकूगु खः । बिरामी जुपिं प्रहरीतय्त आः वीरेन्द्र प्रहरी अस्पतालय् वासः याकातःगु दु ।

विमानस्थलय् खटे जुयाच्वंपिं प्रहरीतय्त छक्वलं थंज्याःगु लक्षण खनेवं स्वाइन फ्लुया आशंका यासां अस्पतालं धासाः लःया खराबीं बिरामी जूगु जानकारी ब्यूगु दु । वासः याकाःच्वंपिं मध्ये नीप्यम्हेसित अस्पतालं डिस्चार्ज यायेधुंकूगु दुसाः स्वम्ह प्रहरीत अस्पतालय् हे वासः याकाः च्वंगु दु ।