गोली लाना घा:पा: जुम्ह व्यवसायी मन्त / हत्याया विरोधय् धर्ना
Posted on Mon Apr 11, 2011 12:45 pm NST
अज्ञात पुचलं आइतवाः सनिलय् गोलीं कयेकाः घाःपाः जुम्ह व्यवसायी अञ्जनीकुमार चाचन पप्पु थौं चान्हय् मन्त । प्वाथय् व ल्हातय् गोलीं लाःम्ह पप्पुया वीर अस्पतालय् वासः जुयाच्वंगु इलय् मदुगु खः ।
व्यवसायी पप्पुया हत्याया विरोधय् उद्योगी व्यवसायीतय्सं वीर अस्पताल परिसरय् धर्ना बियाच्वंगु दु । इमिसं व्यवसायीतय्त शान्ति सुरक्षाया प्रत्यभूति मजुइकं पप्पुया सिम्ह अनं मयंकीगु नं धाःगु दु ।
पप्पुया छेँजः व व्यवसायीतयसं गोलीं कयेकूपिं अपराधीतय्त ज्वना कारवाही यायेमाःगु व प्रधानमन्त्री स्वयम उपस्थित जुयाः सुरक्षाया प्रत्याभूति यायेगु प्रतिबद्धता प्वंकेमाःगु माग तयाः धर्ना बियाच्वंगु दु ।
व्यवसायी पप्पुयात आइतवाः सनिलय् लोडसेडिङ जुयाच्वंगु इलय् निम्ह म्ह:मस्यूपिं मनूतय्सं येँया गणबहालय् गोलीं कयेकूगु खः ।
News Location:
Related Stories
वीरगञ्जया व्यवसायीयात येँय् गोलीं कयेकल
