न्हूदँया लसताय् टेलिकमया सुविधा

विक्रम संवतया न्हूदँ २०६८या लसताय् नेपाल टेलिकमं ग्राहकतय्त सुविधा बिइगु जूगु दु । टेलिकमं जीएसएम व सीडीएमए प्रिपेडया ग्राहकतय्त रिचार्ज यायेगु इलय् १० प्रतिशत बोनस ब्यालेन्सया सुविधाया घोषणा याःगु दु । ग्राहकतय्सं चैत ३० गते, वैशाख १ व २ गते सच्छि व निसःया रिचार्ज याःसा उकि छसिकथं झितका: व नीतका: अप्व ब्यालेन्स दइगु धाःगु दु ।

अथेहे २०६८सालय् टेलिकमं नेटवर्कया समस्या समाधान यायेत न्हूगु व्यवस्था याइगु जूगु दु । टेलिकमं थाइल्याण्डं झिंस्वंगः बीटीएस भ्यान हयाः थुगु समस्या समाधान यायेत्यंगु खँ धाःगु दु । थुगु सुविध येँ लगायत मोबाइल अत्याधिक रुपं छ्यलीगु शहरय् तइगु खँ धाःगु दु ।