वीरगञ्जया व्यवसायीयात येँय् गोलीं कयेकल

वीरगञ्जया व्यवसायी अञ्जनीकुमार चाचान पप्पुयात अज्ञात पुचलं थौं सनिलय् येँय् गोलीं कयेकूगु दु ।

आइतवाः सनिलय् लोडसेडिङ जुयाच्वंगु इलय् निम्ह म्ह:मस्यूपिं मनूतय्सं येँया गणबहालय् पप्पुयात गोलीं कयेकूगु दु । प्वथय् व ल्हातय् गोलीं लाःम्ह पप्पुया वीर अस्पतालय् वासः जुयाच्वंगु दु । पप्पुया अवस्था गम्भीर जूगु चिकित्सकतय्सं धाःगु दु ।

भारतीय मुलया पप्पुयात सुनां व छाय् गोलीं कयेकूगु बारे सीकेमफुनीगु खँ प्रहरीं धाःगु दु । प्रहरीं घटना संलग्न अपराधीतय् मालेज्या सुरु याःगु धाःगु दु ।