गोली प्रहारं निम्ह व्यवसायी घाःपाः

जनकपुरय् अज्ञात पुचःया गोली लानाः निम्ह स्थानीय व्यवसायी घाःपाः जूगु दु ।

मंगलवाः सुथय् झिंछताः ईलय् स्थानीय व्यवसायीत जीवनाथ चौधरी व अनिल तिवारी यात अज्ञात पुचःलं गोली क्येकूगु खः । गोली विश्वकर्मा चोकय् क्येकूगु खः । चौधरी यात छाती गोलीं लाःगु दुसाः तिवारीयात ल्हातय् गोलीं लाःगु दु । घाःपाः जूपिंत जनकपुर अंचल अस्पतालय् वासः याकातःगु दु ।

व्यवसायीतय्त छाय् गोली क्येकूगु व सुनाः क्येकूगु धइगु खँ सीकेफुगु मदुनी ।