प्रधानसेनापति गुरुङ येँय् लिहांझाल

निवाःया अमेरिका भ्रमण क्वचायेकाः प्रधानसेनापति छत्रमानसिंह गुरुङ थौं येँय् लिहांझायादीगु दु । वय्कः अमेरिकी सरकारया ब्वनाय् वंगु चैत १२ गते अमेरिकाया औपचारिक भ्रमणय् झायादीगु खः ।

अमेरिका भ्रमणया झ्वलय् प्रधानसेनापति गुरुङं अमेरिकी सेनाया उच्च अधिकारी, दक्षिण व मध्य एसिया स्वइम्ह अमेरिकी सहायक विदेश मन्त्री रोबर्ट ब्लेक, राष्ट्रसंघया शान्तिरक्षक प्रमुख एलेन रोयलगायत वरिष्ठ पदाधिकारीतनाप खँल्हाबंला यानादीगु खः ।

वय्कःयात लसकुस यायेत कामु प्रधानसेनापति रथी तोरणजंगबहादुर सिंह, अमेरिकी राजदूतावासया उपप्रमुख प्याट्रिसिया माहोनीलगायत त्रिभुवन अन्तर्राष्ट्रिय विमानस्थल थ्यंकूगु खः । उगु इलय् सेनाया टुकडीं प्रधानसेनापति समक्ष सम्मान गारत अर्पण याःगु खः ।