लोकतन्त्र दिवस हनेत मूल समारोह समिति नीस्वन

प्रधानमन्त्री झलनाथ खनालया अध्यक्षताय् न्याक्वःगु लोकतन्त्र दिवस मूल समरोह समिति नीस्वंगु दु ।

न्याक्वःगु लोकतन्त्र दिवस तःजिक हनेत प्रधानमन्त्रीया अध्यक्षताय् नीस्वंगु समितिइ प्रधानन्यायाधीस, संविधासभाया अध्यक्ष व उपाध्यक्ष, संवैधानिक अंगया पदाधिकारी, सर्वोच्च अदालतया न्यायाधिशत, मन्त्रीत, पुलांपिं मन्त्रीत, पूलांपिं प्रधानन्यायाधिशत, पुलांपिं सभामुख लगायत विशिष्ट व्यक्तित दुजः कथं दी ।

मूल समारोह समितिया बारे जानकारी बिइत गृह मन्त्रालयं थौं याःगु छगू ज्याझ्वलय् प्रधानमन्त्री खनालं नेपाःया इतिहासय् फागुन ७ गते, चैत २६ गते, वैशाख ११ गते व जेठ १५ गते महत्वपूर्ण जूगु धयादिल । वय्कलं थुपिं दक्वं महत्वपूर्ण जूसां झीगु राष्ट्रिय दिवस छु खः धइगु पहिचान मजूगुलिं उकिया बारे सहलह यानाः निक्र्यौल यायेमाःगु धयादिल ।