कन्हय् नेवाःतय् संघर्षया ज्याझ्वः
येँ (सन्ध्या टाइम्स)/जेठ १४ गतेया नेवाः ताम्सालिङ बन्द ज्याझ्वः ताःलाकेत माःगु ज्याझ्वः तयार यायेत थौं नेवाः स्वायत्त राज्य मंकाः संघर्ष समितिया मुँज्या च्वनीगु जूगु दु। कन्हय् मंकाः संघर्ष समितिइ दुथ्याःगु झिगू हे घटकया मंकाः कथं बृहत भेला यानाः संघर्षया ज्याझ्वः सार्वजनिक यायेगु तयारी याःगु दु ।
उगु भेलां बन्द ज्याझ्वः ताःलाकेत नेवाः स्वायत्त राज्य दुने छु गज्वःगु ज्याझ्वः गन गन यायेगु नापं नेवाःतय्त गुगु कथं
परिचालन यायेगु धइगु खँ नं सार्वजनिक याइ धाःगु दु। नेवाः स्वायत्त राज्य मंकाः संघर्ष समितिइ दुथ्याःगु झिगुलिं हे घटकया मंकाः ज्याझ्वः नापनापं तामांतलिसे जानाः नं मंकाः कथं संघर्ष ज्याझ्वः याइ धाःगु दु ।
