थरुहट बन्द स्थगित / वैशाष ३ गते लिपा हानं आन्दोलन

थरुहट स्वायत्त राज्य परिषदं शुक्रवाः निसें आव्हान याःगु अनिश्चितकालीन थरुहट बन्द स्थगित याःगु दु । नेपाःया हिन्दु धर्मालम्बितय् नखः चैते दशैं व विक्रम संवत्तया न्हूदँ वःगुलिं सर्वसाधारणतय्त लिच्वः लाइगु जूगुलिं तत्कालया निंतिं आन्दोलनया ज्याझ्वः स्थगित याःगु खः ।

परिषदं प्रधानमन्त्री, माओवादी नायः व मधेशी जनअधिकार फोरमया नायः दथुइ जूगु प्यंगू बुँदे सहमतिइ 'मधेश' खँग्वः छ्यःगु प्रति आपत्ति प्वंकूसें अनिश्तिकालीन बन्दया घोषणा याःगु खः ।

थरुहट राज्य परिषदं थौं छगू पत्रकार सम्मेलन यानाः बैशाष ३ गते तक बन्दया ज्याझ्वः स्थगित याःगु जानकारी बिउगु खः । परिषदं बैशाष ३ गते थरुहट राष्ट्रिय भेला यानाः निर्णायक आन्दोलन यायेगु ख्याच्वः नं बिउगु दु ।