रुद्रायणी माविया कन्हय् स्वर्ण महोत्सव

यलया ख्वनासं च्वंगु रुद्रायणी माविं कन्हय् थःपिनिगु लुँ बुदिं (न्यय्दँ) हनीगु जूगु दु । देवशम्सेरया इलय् अर्थात वि.सं. १९५८ सालय् पाठशालाया रुपय् पलिस्था जूगु उगु स्कूलं २०१७ सालय् प्राथमिक विद्यालयया सम्बन्धन प्राप्त याःगु खः ।

लुँ बुदिंया लसताय् माओवादी नेतृ लिसे यल क्षेत्र नम्बर ३ या सभासद् पम्फा भुसालं विद्यालय परिसरय् स्वर्ण स्तम्भ अनावरण याइगु ज्याझ्वः नं दु । अथेहे कन्हय् सुथय् वाकाथन ज्याझ्वः नं ग्वसाः ग्वइगु विद्यालय व्यवस्थापन समितिया नायः रविन्द्र महर्जनं जानकारी बियादिल । विद्यालय प्राङ्गणनिसें न्ह्याइगु वाकाथन ख्वना, बुंग, भैंसेपाटी, सिकाली देगः जुयाः हाकनं विद्यालयसं थ्यंकाः क्वचाइगु जूगु दु ।