नेपाः पार्टी नं दन
येँ (सन्ध्या टाइम्स)/दलित, मुस्मां व थारू सभासद्तय्सं आदिवासी, जनजाति, दलित, मुस्मां, मधेसी नापं राज्यं लिउने लाकातःपिं समुदायया माग संवोधन यायेमाः धइगु माग यासें संवैधानिक समितिइ पंगः थनेगु याना वयाच्वंगु ज्यायात नेपाः राष्ट्रिय पार्टीं नं समर्थन याःगु दु। थौं च्वंगु संवैधानिक समितिया बैठकय् नेपाः राष्ट्रिय पार्टीया सभासद् बुद्ध साय्मिं नं समर्थन यासें थःपिनिगु माग पूरा मजुइकं बैठक हे न्ह्याके बी मखु धकाः अडान कायेवं थौं नं एजेण्डाय् हे प्रवेश मजुसे बैठक स्थगित जूगु दु। संवैधानिक समितिया बैठक स्थगित जूगु थ्व स्वक्वःगुखुसी खः ।
