मधेशीतय् मागयात सम्बोधन याईपिंत मधेशी मोर्चां ग्वहालि याइगु

संयुक्त लोकतान्त्रिक मधेशी मोर्चां सरकार व मोर्चा दथुइ जूगु च्यागू बुँदे सहमतियात सम्बोधन याइगु दलयात सरकार गठन यायेत ग्वहालि यायेगु निर्णय याःगु दु ।

मोर्चाया सोमवाः च्वंगू बैठकं च्यागू बुँदे सहमतिइ सुयाःगु बीचाः सकारात्मक दु वहे दलयात ग्वहालि याइगु निर्णय जूगु सद्भावनाया नेता अनिलकुमार झां जानकारी बियादिल ।

मोर्चां सरकार गठनया निंतिं च्यागू बुँदे सहमतियात मूल एजेण्डाया रुपय् न्ह्यब्वयेगु निर्णय या:गु दु । च्यागू बुँदे सहमतिया बारे थीथी दलया धारणा न्यनेगु नं मोर्चा नं निर्णय याःगु दु ।

मधेशी संयुक्त मोर्चाय् मधेशी जनअधिकार फोरम, तराई-मधेस लोकतान्त्रिक पार्टी, व सद्भावना पार्टी दुथ्याः । थ्व स्वंगू दल दुथ्याःगु दलतय् संयुक्त मोर्चा व सरकार दथुइ १६ फागुन २०६४य् च्यागू बुँदे सम्झौता जूगु खः ।