नरेशकुमारया ग्वाहालिइ 'लाखे क्वथैगु' क्यनीगु

येँ (सन्ध्या टाइम्स)/जलस्येँया ल्वचं कयाच्वंम्ह भाषासेवी नरेश कुमार शाक्यया स्वास्थ्योपचारय् ग्वाहालि यायेगु ताः तयाः नेपालभाषा एकेदेमि प्याखं दबूपाखें लोकंह्वाःगु ऐतिहासिक पूधाःप्याखं 'लाखे क्वथैगु' क्यनीगु जूगु दु। थ्वहे वइगु (चौलागा १३) वैशाख १८ गते कुन्हु येँया प्रज्ञाप्रतिष्ठानय् उगु प्याखं क्यनेगु खँ धाःगु दु। नेपालभाषा एकेदमिया चान्सलर सत्यमोहन जोशीं उगु प्याखं च्वयादीगु खः ।