कांग्रेस व एमालेपाखें कानुनविदत नाप परामर्श

न्हूगु सरकार गठनया तयारी यानाच्वंगु कांग्रेस व एमालें विद्यमान संकट क्वचायेकेत कानुनविदत नाप परामर्श याःगु दु ।

एमाले केन्द्रीय ज्यकू बल्खुइ सोमवाः जूगु सहलहलय् विद्यमान संवैधानिक संकटया दथुइ न्हूगु सरकार गठन प्रक्रियाबारे कानुनविदत नाप सहलह याःगु खः ।

सहलहया झ्वलय् कानुनविदतय्सं काम चलाउ सरकारया ई ता:हाके मज्यूगु धासें संविधान बमोजिम न्हूगु सरकार गठन प्रक्रिया याकनं न्ह्याकेत दलया नेतातय्त सुझाव ब्यूगु खः ।

कानुनविदतय्सं राष्ट्रपतिं ल्ह्वंगू पलाःया खँय् सर्वोच्चय् विचारधीन जूगुलिं उकीया बारे अदालतं निर्णय याइगु खँ धा:गु दु ।

परामर्शया निंतिं कानुनविदत निलाम्बर आचार्य, सूर्य ढुङगेल, भिमार्जुन आचार्य लगायतया कानुनविदत बल्खु थ्यंकादीगु खः ।