अखिलया ज्याझ्वलय् प्रम मवं
येँ (सन्ध्या टाइम्स)/एमालेया भातृ संगठन अनेरास्ववियुं म्हिगः याःगु छगू कार्यक्रम उगु हे पार्टीया अध्यक्ष एवं प्रधानमन्त्री झलनाथ खनालं 'बहिष्कार' यानादिल। ज्याझ्वःयात वय्कलं बहिष्कार हे मधाःसां अन्तिमय् वयाः ई मदुगुलिं धासें ज्याझ्वलय् मवयेगु जानकारी छ्वया बिउगु खः। तर खनाल पक्षधर अनेरास्ववियुया उपाध्यक्ष नबिना लामा व मेपिंसं नं ज्याझ्वः बहिष्कार याःगु खः ।
अखिलया अध्यक्ष माधव ढुंगेल केपी ओली पक्षयाम्ह खः। अखिलय् ढुंगेल त्यासांनिसें झलनाथ खनाल अखिलपाखें तापाक च्वनाच्वंगु दु। म्हिगः अखिलं 'जेठ १४ गते संविधान वइ लाकि वइ मखु?' धइगु विषयय् अन्तर्क्रिया याःगु खः। उकी मेमेगु पार्टीया नेतात धाःसा वःगु खः ।
