देव गुरुङया अडानं मन्त्री ल्यये मफुत
येँ (सन्ध्या टाइम्स)/गृह मन्त्रालय ल्हातय् वयेवं गृहमन्त्री दयेके धकाः तयातःम्ह देव गुरुङं थः बिना विभागीय मन्त्री जुयाः सरकारय् वने मखु धकाः अडान कायेवं म्हिगः नं माओवादीं मन्त्री जुइपिनि नां ल्यये मफुत। गुरुङया अडानं यानाः मेपिं नेतातय्सं नं गृहमन्त्री मबीवं सुं नं सरकारय् वनेगु मखु धकाः बिचाः तया हयेवं सरकारय् वनीपिनि नांधलः तयार यायेगु ज्या हानं थाति लाः वंगु खः ।
