मुख्यमन्त्री गुलि गरीब !
येँ (सन्ध्या टाइम्स)/नेपालय् नं कम्युनिष्ट नेतात प्रधानमन्त्री जूगु दु। तर प्रधानमन्त्री पदं त्वःतेसातकि उमिसं राज्यं बीमाःगु सुविधा धाधां थःपिंसं हे करोडौं तका तुगु गाडी गयेगु यानाच्वंगु दु। तर भारतया पश्चिम बंगाल राज्यया मुख्यमन्त्री बुद्धदेव भट्टचार्ययाके धाःसा न गाडी दु, छेँ दु, न बुँ दु, न बैंक ब्यालेन्स हे दु। अन जुइत्यंगु चुनावय् उम्मेदवारी बीत वय्कलं बुझे याःगु सम्पत्ति विवरणय् थ्व खँ उल्लेख यानातःगु खः। वय्कलं सन् २००९-१० य् मुक्कं १ लाख ९२० तका आम्दानी याःगु खःसा आः वय्कःया ल्हातय् न्याद्वः तका जक दु। वय्कःया कलाःयाके धाःसा स्रोत खुले जूगु छुं लाख दां दु ।
