बिस्काः जात्राय् सीसी टिभी तयाः निगरानी

ख्वप (सन्ध्या टाइम्स)/थुगुसी थन जुइगु बिस्काः जात्राय् हुलदंगा याइपिं मनूत म्हसीकेत थाय्थासय् सीसीटीभी समेत तइगु जूगु दु।अज्याःपिं मनूतय्त म्हसीकाः जात्रा लिपा जूसां नं ज्वनाः कारवाही यायेगु खँ ख्वप जिल्ला प्रशासन कार्यालयं धाःगु दु। थुगुसी जात्राय् अप्पां कयेकेगु ज्या याइपिंत ज्वनाः सार्वजनिक मुद्दा तयेगु खँ नं धाःगु दु। जात्राजःछि ख्वपय् लोडशेडिंग मयायेगु व सुरक्षा निकायत सतर्क जुयाच्वनेगु खँ नं धाःगु दु ।