छुं ई तक ततपाःगु नोटया अभाव कायम
बजारय् वंगु छुं दिं न्ह्यः निसें जुयाच्वंगु द्वःछि व न्यासः तका वंगु नोटया अभाव कायम जुया हे च्वनीगु खँ सीदुगु दु । नोटया अभावं बैंक व वित्तीय संस्थात आत्ते चायाच्वंगु दुसा उखे नेपाल राष्ट्र बैंक धाःसा न्हापा लिपा स्वयां थुगु दँय् गाक्कं नोटया आपूर्ति जूगुलिं अभावया खँ पिहां वःगुयात अस्वीकार याःगु दु ।
बैंक व वित्तीय संस्थां नोट अभाव कारण पत्ता लगे यानाः समस्या समाधान यायेगु नापं आपूर्ति अप्वयेकेत राष्ट्र बंैकयात इनाप याःगु दु ।
बैंकया नोट विभागं वंगु २०६४ चैत्र मसान्त तक १० अर्ब १० करोड बराबरया नोट बजारय् दुगुली द्वःछि व न्यासः तकां वंगु नोट ८७ दशमलव ४८ प्रतिशतया ल्याखय् दुगु खःसा ०६५ चैत्र मसान्त तकया दुने अज्याःगु नोट ९० दशमलव ८१ प्रतिशत बजारय् दुगु खँ धाःगु दु ।
राष्ट्र बैंकया नोट विभाग कथं बजारय् दुगु उगु ध्यबा माग स्वयां अप्वः आपूर्ति जुयाच्वंगृु धासे थज्याःगु अवस्थाय् नोटया अभाव जूगु धइगु हावादारी जक जूगु टिप्पणी यानादीगु दु ।
