देय्गुथिया तःमुँज्या चैत्र २९ गते

येँ (सन्ध्या टाइम्स)/नेवाः देय् गुथि, नेपालमण्डलया देय् तःमुँज्या थ्वहे वइगु चैत्र २९ गते मंगलवाः कुन्हु याइगु जूगु दु। देय् गुथिया थ्व प्यक्वःगु देय् तःमुँज्या खः। तःमुँज्यां देय् गुथिया न्हूगु ज्यासना पुचः नं ल्ययेगु ज्या याइ। तःमुँज्याया तयारी कथं वंगु छुं ई न्ह्यवंनिसें देय्गुथिया तःकेहेँ गुथिया अधिवेशन यायेगु ज्या न्ह्याना वयाच्वंगु खः ।