भरतपुरस्थित पेट्रोलपम्पय् लुटपाट, म्यानेजरयात स्यानाबिल
Posted on Wed Apr 6, 2011 12:34 pm NST
चितवनया भरतपुर नगरपालिकास्थित जगदम्बा पेट्रोल पम्पय् थौं सुथय् अज्ञात पुचलं लुटपाट लिपा अनया म्यानेजरयात स्यानाबिउगु दु ।
मुग्लिङ-नारायाणगढ सतक खण्डय् लाःगु उगु पेट्रोल पम्पय् कार्यरत म्यानेजर भरत घिमिरेयात लुटेरातय्सं स्वंगू राउण्ड गोलीं कयेगूगु खः । घिमिरें लुटेरातय् प्रतिकार यायेत स्वयेवं वयात गोलीं कयेकूगु खँ प्रहरीं धाःगु दु । अथेहे लुटेरातय् प्रतिकार यायेत स्वम्ह पेट्रोल पम्पया मेम्ह कर्मचारी धाःसा घाःपाः जूगु दु ।
हत्याया विरोधय् स्थानीयवासीतय्सं नारायणगढ-हटौंडा सतक खण्ड बन्द यानाः प्रदर्शन यानाच्वंगु दुसाः अखिल नेपाल पेट्रोलियम मजदुर संघं जिल्लाया दक्वं पेट्रोल पम्प बन्द याःगु दु । प्रहरीं घटनाया बारे अनुसन्धान सुरु याःगु दु ।
News Location:
