बजारय् हाकनं चिनीया अभाव शुरु
येँसन्ध्या टाइम्स÷सरकार व निजी ख्यलं चिनी विक्रीया िनंितं सहजरुपं आपूर्ति याये मफयेवं बजारय् थुकिया अभाव खने दया वःगु दु ।
सरकारं वंगु छुं िदं न्ह्यः जक चिनीया स्वदेशी उद्योग प्रवद्र्धन यायेगु उद्देश्यं १० प्रतिशत भंसार छुट बीगु निर्णय याःगु खः ।
उखे व्यापारीतय्सं प्रति किलो ६५ तकां चिनी मिया च्वंगु धासे सरकारं चिनीया बजाः भाः नियन्त्रण यायेत उद्देश्यं बजाः हस्तक्षेप यानाः प्रति किलो ५० तकां मीगु व्यवस्था याःगु खःसा उकिया िनंितं साल्ट ट्रेडिङ व नेशनल टे्रडिङयात भाला बिउगु खः ।
तर आः वयाः सरकारी स्वामित्वया संस्थां माग कथंया चिनी बी फयाच्वंगु मदुसा निजी ख्यःया व्यापारीतय्सं नं चिनी बजारय् पित बियाच्वंगु मदु ।
व्यवसायीतय्सं स्वयं सरकारी संस्था व व्यापारीत जानाः चिनी सुचुकूगु द्वपं बिउगु दु । आःया इलय् देया छगू दर्जनं मल्याक कारखानां चिनी उत्पादन याःसां बजारय् धाःसा वयाच्वंगु मदु ।
उद्योगनिसें कयाः व्यापारीतय्सं तकं चिनी सुचुकेगुली छगू कथंया धेंधेंबल्लाः यानाच्वंगु सीदुगु दु ।
सरकारं थुगुसीया वजेट थ्व हे जेष्ठं पित बीगु खँ सार्वजनिक याःगु खःसा आः वयाः सरकारं राजीनामा बीधुंकूगु अवस्थाय् जूसां वजेटया छुं खँ वयेफुगु सम्भावनायात ध्यानय् तयाः चिनी सुचुकूगु अनुमान याना हःगुदु ।
थौं कन्हय् साल्ट टे्रडिङं प्रति किलो ५३ तका व व्यापारीतय्सं प्रति किलो ६६ तकां तक चिनी मिया वयाच्वंगु दु । चिनीया भाः थहां वनाः ६० तका थ्यनेवं सरकारं थःगु स्वामित्वय् दुगु गोदामय् च्वंगु चिनी बजारय् हःगु खः ।
सरकारं थहां वंगु बजाः भाः हस्तक्षेप यानाः सन्तुलनय् हयेगु नीति अवलम्बन याःगु खः ।
बजाःया माग कथं थनया कारखानां चिनी उत्पादन याये मफयेवं चिनीया आयातय् भंसार छुट बिइग निर्णय तक याःगु खः । तर थुगु सुविधा निजी ख्यःया व्यापारीतय्त धाःसा बिउगु मदु ।
