युनुसयात गोलीं कयेकूम्ह सिंह खोर चलान
Posted on Tue Apr 5, 2011 7:47 pm NST
नक्कली भारतीय ध्यबाया कारोबार याःगु द्वपंलय् केन्द्रीय कारागारय् कुनातःम्ह संचार उद्यमी युनुस अन्सारीयात जेल दुने हे गोलीं कयेकूम्ह भारतीय नागरिक मनमित सिंहयात डिल्लीबजार खोर चलान याःगु दु । जिल्ला प्रशासन ज्याकूथीं थौं सिहंयात पुर्पक्षया निंतिं डिल्लबिजार खोर चलान यायेत आदेश बिउगु खः ।
अवैध ल्वाभःया मुद्दाय् खोर चलान याःम्ह सिंहं वंगु फागुन २६ गते केन्द्रीय कारागार दुने युनुसयात गोलीं कयेकूगु खः । उगु हे इलय् प्रहरीं सिंहयात जर्मन रिभल्बर सहित ज्वंगु खः । प्रहरीं सिहं विरुद्ध ज्यान कायेगु उद्योगया मुद्दा नं दायर यायेगु तयारी यानाच्वंगु दु ।
News Location:
