सरकारयात पूर्णता वीत दलत ब्यस्त
येँ (सन्ध्या टाइम्स)/वर्तमान मन्त्रिपरिषद् विस्तारया निंतिं सत्तारुढ स्वंगुलिं दलतय्सं कुतः न्ह्याकूगु दु। न्हूगु सरकार गठन जूगु झण्डै निला दये धुंकाः तकं पूर्णता काये मफुगु धासें मन्त्रीमण्डल विस्तार यायेत स्वंगू दलं कुतः न्ह्याकूगु खः ।
प्रधानमन्त्री झलनाथ खनाल कन्हय् तकया दुने सरकारयात पूर्णता बीगु कुतलय् एनेकपा माओवादी व मधेसी जनअधिकार फोरम नापं सहलहलय् ब्यस्त जुयादीगु दु। प्रम खनालं माओवादी व फेारम नापं सहलह यायेगु नापं विस्तारित मन्त्रिमण्डलय् वनीपिनिगु नां ल्ययेत आन्तरिक सहलह नं यानाच्वनादीगु दु ।
थ्व हे झ्वलय् एनेकपा माओवादीपाखें विस्तारित मन्त्रिमण्डलय् पार्टीपाखें सहभागि जुइपिं न्हय्म्ह मन्त्री व झिंछम्ह राज्य मन्त्री ल्ययेत थौं केन्द्रीय पदाधिकारीया बैठक च्वनेत्यंगु दु। आः सुथय् झिछताः ई लिपा च्वनीगु केन्द्रीय कमिटीया बैठकं थःपिंत वःगु मन्त्रालयय् मन्त्री जुइपिनिगु नां छ्वयेत बैठक च्वनेत्ष्यंगु खः ।
वंगु छुं दिं न्ह्यः जक सिन्धुपाल्चोकय् क्वचाःगु पार्टी स्थायी समितिया बैठकं मन्त्रीतय् नां क्वःछीगु भाला केन्द्रीय समितियात बिउगु खः ।
