स्वनिगःयात कयाः नेवाःतय् चिउताः

नेवाः न्ह्यलुवा प्रा। माणिक- लाल श्रेष्ठं यदि खस भाषायात नेपाली भाषा धकाः मान्यता बीगु जुल धाःसा छन्हु नेपाः नं तना वनेफुगु खँ कनादीगु दु । ुस्वनिगः व झीगु चिउताःु विषयय् जूगु अन्तकिर््रयात्मक ज्याझ्वलय् न्ववानादिसें वय्कलं संघीय

राज्य दुगु भारत व जर्मनीइ हे मदु कथं आः नेपालय् राजधानी प्रदेशया खँ वयाच्वंगु दु । यदि उकियात ध्वाथुइकेगु मस्वत धाःसा खय् ब्रम्हूतय्सं नेवाः जातिया अस्तित्व हे मदयेकेत स्वइफुगु खँ नं कनादिल । प्रदीप्त पुस्तकालय मासंगल्लिइ वंगु शुक्रवाः जूगु गोष्ठीइ सभापतिया थासं न्ववासें वय्कलं मूल आदिवासीयात ध्यानय् तयनः संघीय गणराज्य कायम यायेगु दकलय् बांलाःगु पक्ष खः धासें न्हापांनिसें च्वनाच्वंिपं गुगुं नं वर्ग व जातियात प्राथमिकता बीगु हे संघीयताया धर्म खः धयादिल ।

२०६२÷६३ या जनआन्दोलन लिपा नेपाः संघीय गणतान्त्रिक देश जूवंगु खँ न्ह्यथनादिसें वय्कलं जातीय व भाषिक आधारय् नेवाः स्वशासन कायम याये फत धाःसा नेवाःतय्गु उन्नति व प्रगति याकनं जुइगु खँ नं स्पष्ट यानादिल । विकास नापनापं विनास वइगु जूगुिलं बाहिरी चक्रपथ व स्वनिगलय् मेमेगु जातिया मनूत आपालं च्वं वल धायेवं हे झीसं थःगु स्वशासनया अधिकारयात त्वःफिका च्वनेगु उचित मजुइगु नं वय्कलं कनादिल । नेवाःत जक छखे लाकाः स्वयेगु इलय् स्वनिगलय् नेवाःत अल्पमत खने दइ थें यदि खस् ब्रम्हूतय्त नं उकथं हे अलग्ग यानाः स्वत धाःसा उमिगु प्रतिशत नं कूल जनसंख्याय् तसकं हे म्हो जुइ धुंकीगु खँ वय्कलं कनादिल ।

सहलह ज्याझ्वःया लािगं नेवाः राष्ट्रिय आन्दोलन गुथिपाखें प्रवक्ता राजभाई जकःिमंं ुस्वनिगः व झीगु चिउताःु विषयय् ज्यापौ न्ह्यब्वयादीगु खः । ज्यापतिइ नेपालमण्डल नेवाः जातिया राज्य खः धासें थ्व लागा नेवाः जातिया जक मखु नेपाः देय्या हे सभ्यताया केन्द्र खः धयातःगु दु । आः स्वनिगःया नेवाःतय्सं न्ह्याके- माःगु पलाः थीथी खँ नं उकी न्ह्यथना तःगु दु । ज्यापौयात कयाः माओ- वादीया सभासद् दिलीप महर्जन नेपाः राष्ट्रिय पार्टीया सभासद् बुद्ध साय्मि नेवाः महागुथिया नायः विपेन्द्र महर्जन नेवाः देय् गुथि नेपाल मण्डलया नायः नरेन्द्रभक्त हाडा नेवाः देय् दबूया नायः नरेश ताम्रकार व नेवाः जागरण माचया संयोजक सुजीव बज्रा- चार्यिपंसं थःपिनि बिचाः प्वंकादीगु खः ।