सरकार अमुक शक्तिया प्रभावय् : कांग्रेस
नेपाली कांग्रेसं वर्तमान झलनाथ खनाल नेतृत्वया सरकार अमुक शक्तिया प्रभावय् लाःगु ठहर याःगु दु ।
कांग्रेस संसदीय दलया सोमवाः च्वंगु मुँज्यां सरकार खुलेआम गैर संवैधानिक शक्तिकेन्द्रया प्रभावय् लाःगु ठहर याःगु खः । मुँज्यां संसदं पास याःगु विनियोजन विद्येयकयात दिकेगु कुतः यानाः सरकार अमुक शक्तिया प्रभावय् लाःगु ठहर जूगु धाःगु दु ।
सरकारया थज्याःगु ज्या पाखें संसदया अपमान जूगु धासें कांग्रेसं सरकार गम्भीर आर्थिक अनुशासनहीता पाखे उन्मुख जूगु धाःगु दु । अथेहे सरकारं शक्ति केन्द्रया प्रभावय् लानाः पूरक बजेट हयेत स्वयाच्वंगु द्वपं नं कांग्रेसं बिउगु दु ।
अथेहे माओवादी शान्ति व संविधान निर्माण प्रति इमान्दार मजूगु निष्कर्ष पिकासें कांग्रेसं संवैधानिक समिति अर्न्तगतया उपसमितियात माओवादीं पंगु दयेकेत स्वःगु द्वपं नं बिउगु दु ।
