थौं असनय् स्वम्ह अजिमा द्यः ल्वाकीगु

येँ (सन्ध्या टाइम्स)/पाहांचःर्‍हे जात्राया झ्वलय् थौं असनय् द्यः ल्वाकेत्यंगु दु। थौं न्हिनसिया २ बजे असनय् द्यः ल्वाकीगु ज्याझ्वः दु। थुकी वतु भद्रकाली, तेबाहाः भद्रकाली व कंग अजिमा यानाः स्वखलः द्यः ल्वाकीगु खः। असनय् द्यः ल्वाकीबलय् भिंतुना गुथिं दँय्दसं थें थौं नं चतांमरि ह्वलीगु खँ धाःगु दु। जात्राया झ्वलय् म्हिगः चान्हय् तिंख्यलय् द्यः ल्वाकूगु खः। म्हिगः तिंख्यलय् घाडे जात्रा ज्याझ्वः नं जूगु खः ।