'आशाकुति बुरा'या शुभमुहुर्त
ख्वप (सन्ध्या टाइम्स)/नेपाः हिउपाः संकिपा ख्वपया न्हूगु संकिपा 'आशाकुति बुरा' म्हिगः छगू समारोहया दथुइ निर्देशक व कलाकारतय्सं क्यामेरा पूजा यानाः शुभमुहुर्त जुल। थनया ४ वडा नासः द्यइके उगु शुभमुहुर्त जूगु खः। शुभमुहुर्त ज्याझ्वलय् संकिपाया निर्देशक हर्केमाइला, मू प्याखंम्वः राजु मानन्धर, क्यामेराम्यान राजाराम नापितपिंसं थःथःगु नुगः खँ कनादिल ।
'लिधंसा', 'क्वचाकाचा' व 'क्वाति' पिकयाः ख्वपया नेपालभाषा संकिपा ख्यलय् थःगु हे बिस्कं कथंया थाय् कायेधुंकूगु नेपाः हिउपाः संकिपाया थुगु न्हूगु संकिपा 'आशाकुति बुरा'य् राजु मानन्धर, हरिकृष्ण दुवाल, कृष्ण प्रजापति, रत्न खाय्मली, रञ्जना सितिखू लगायतका न्हूपिं पुलांपिं कलाकारतय्सं अभिनय यानाच्वंगु दु। संकिपाया छायांकन राजाराम नापितं याःगु दु ।
