थौं प्रधानमन्त्रीं लिसः बियादीगु
येँ (सन्ध्या टाइम्स)/व्यवस्थापिका संसदय् थौं सनिलय् प्रधानमन्त्री झलनाथ खनालं लिसः बियादीगु जूगु दु। नेपाली कांग्रेसं अर्थ सचिव रामेश्वर खनालया राजीनामा प्रकरण बारे प्रधानमन्त्रीं लिसः मबीकं संसद हे न्ह्याके मबीगु घोषणा यासें पंगः थनाच्वंगुलिं थौं खनालं लिसः बियादीत्यंगु खः। अर्थ सचिव खनालं राजीनामा बियादीगुयात नेपाली कांग्रेसं राजनीतीकरण यात धकाः अर्थमन्त्री भरतमोहन अधिकारीं धया वयाच्वंगु दुसा उखे कांग्रेसं धाःसा अर्थमन्त्री अधिकारीया दबावया कारणं हे अर्थ सचिवं राजीनामा बियादीगु खः धकाः नं द्वपं बियाच्वंगु दु। उखे राजीनामा बियादीम्ह सचिव खनालं आः गुगुं नं हालतय् ज्याय् लिहां वनेगु जुइ मखु धकाः स्पष्ट यायेधुंकूगु दु ।
