फंपिइ बाँसुरी धेंधेंबल्ला
येँ सन्ध्या टाइम्स÷ फंपि दक्षिणकाली म्ह्याय्मचा बाँसुरी खलःया ग्वसालय् वंगु शुक्रवाः फंपिया जम्बेश्वरी चुकय् बाँसुरी धेंधें बल्ला कासा जुल। कासाय् थीथी नेवाः वस्ति गांया न्हय्गू बाँसुरी खलकं ब्वति काःगु खः ।
ज्याझ्वलय् मूपाहां कथं सभासद् दिलिप महर्जन व पाहां कथं नेवाः जागरण माचया केन्द्रीय संयोजक सुजीव बज्राचार्य झाःगु खः।
नेवाः जागरण माच फंपि कचा व फंपि नेवाः पुचलं लिउ ग्वसाः खलः कथं ग्वाहालि याःगु खः ।
कासाय् सतुंगल बाँसुरी न्हापा व झकेश्वरी बाँसुरी खलः लियां लिउ लाःगु खः। ज्याझ्वलय् फंपिया न्याम्ह न्ह्यलुवातय्त नं हंगु खः।
